Motra e Enver Sekiraçës është zënë me 6 mijë euro, të cilat i kishte me vete të enjten, kur kishte shkuar në burgun e Dubravës për ta vizituar vëllanë, kanë bërë të ditur burime të gazetës “Koha Ditore” dhe konfirmuar nga autoritetet e burgut.

“Ka ardhur për ta vizituar, gjatë bastisjes ia kemi konfiskuar 6 mijë euro, të gjitha me bankënota 500 euro. Asaj i është ndaluar vizita”, ka thënë, për “Kohën Ditore”, Komisari i Shërbimit Korrektues të Kosovës, Resmi Hoxha.

“Rasti është izoluar. Policia e ka marrë në pyetje dhe e ka marrë për procedurat e mëtutjeshme në stacionin policor”.

Enver Sekiraça është duke ui mbajtur në një pavijon brenda Burgut të Dubravës, në të cilin mbahen dëshmitarët bashkëpunues dhe dëshmitarët e dënuar.

Askund nuk shkon pa revole. As kur jep mësim për nxënësit që duan ta mësojnë anglishten. Revolen “Ekol” mësuesja Valbona Peci e kishte me vete edhe të mërkurën kur kishte përfunduar mësimin privat me nxënës. Sikur ta dinte se 34 vjeçari do t’i hynte në zyrë ku edhe do të kërkonte nga ajo që t’ia lirojë banesën në të cilën banonte. “Ashtu ishim marrë vesh”, i kishte thënë personi mësueses Valbona, shkruan gazeta “Express”.

Duke mos duruar presionin e tij, mësuesja e anglishtes e hapi çantën dhe revolen e qiti mbi tavolinë. “Unë kam revole, ki kujdes çka po flet. Fol qitash nëse guxon me fol. Pa qita unë nuk shkoj kërkund”, ishte fjalia që Valbona ia kishte thënë personit. Ky i fundit tejet i frikësuar menjëherë e ka lajmëruar policinë duke e paraqitur rastin si kanosje ndaj tij. Policia menjëherë ka shkuar në vendin e ngjarjes, ku ka arrestuar mësuesen dhe e kanë dërguar në stacionin policor për t’ia marrë deklaratën.

“Sipas deklaratës së ankuesit, e dyshuara thuhet ta ketë kanosur me armë, pasi të njëjtit kishin filluar një zënkë verbale për shkak të mospërmbushjes së një marrëveshjeje në mes tyre rreth një çështje pronësore”, thuhet në komunikatën zyrtare të Policisë nga rajoni i Mitrovicës
.

Në darkën punuese që ka zgjatur dy orë e gjysmë, janë biseduar temat që kanë të bëjnë me jetët e serbëve në Kosovë. Biseda u zhvillua në një ton serioz, me një shtrëngim joformal duarsh në fund, shkruajnë mediat e Beogradit.

Kryeministri Ivica Daçiq ka thënë se takimi ka zgjatur dy herë më shumë se ç’kanë pritur. Ndërsa, nuk është folur për “çështjen e statusit”.

Ai thotë se në Bruksel nuk ka pasur asnjë shaka, ndërsa në darkë nuk ka konsumuar shumë ushqim, që të jetë i koncentruar në bisedime.

“Na shërbyen me paragjellë, e pastaj me supë perimesh. Si pjatë kryesore ishte mishi i viçit me garniturë. Unë piva ujë, e Thaçi verë të kuqe. Unë nuk pi kurrë alkool, sidomos jo në situata të tilla të rëndësishme. Pastaj na shërbyen me pemë dhe desert. Vërtetë, nuk e di se çka kishte nga ëmbëlsirat në meny, e as nuk kam shikuar se çka shërbejnë”, ka thënë Daçiq, transmeton “Press”.

Ata janë pajtuar për t’u takuar prapë, ndërsa në fund kanë shtrënguar duart. Kjo për Daçiq nuk ka asnjë kuptim spektakolor, veçse përshëndetje e rëndomtë, sepse “shtrëngimi i duarve në formën e protokolleve me simbole shtetërore nënkupton diçka tjetër”.